Piyoz va zira qoʻshilgan tovuq boldirigʻi

Tovuq boldiriqlarini yuvib, quriting va tuz, murch, kashnich urugʻi bilan aralashtirib chiqing.

Qozonda yogʻni qizdirib, goʻshtni qizartirib oling va vaqtincha idishga olib qoʻying (5–7 daqiqa).

Shu yogʻda yarim halqa toʻgʻralgan piyozni qovuring. Ustidan sabzi, qalampir, pomidor va katta toʻgʻralgan kartoshkani qavat-qavat qilib terib chiqing.

Sabzavotlar ustiga goʻshtni qoʻying, zira va yuvilgan sarmisoq boshini butunlay soling.

100 ml suv quyib, qozon qopqogʻini zich yoping va past olovda 40–50 daqiqa dimlab pishiring.